AzTimes.az xəbər verir ki, Abşeron rayon Xırdalan şəhərində yaşayış binasının qarşısında tikinti məqsədi ilə qazıntı işlərinə başlanılıb. Əməkdaşlarımız hadisə yerində çəkiliş apararkən özünü qazi kimi təqdim edən şəxs bütün qurumların məsələdən xəbərdar olduğunu, belə çəkilişlərin onları narahat etmədiyini bildirib. Xatırladaq ki, özünü qazi kimi təqdim edən bu şəxsin ərazidə bir neçə qanunsuz tikintiyə himayədarlıq etdiyinin şahidi olmuşuq. Günün günorta çağı ağır tonnajlı yük maşınlarinin Xırdalan kimi bir ərazidə hərəkəti yolları tam iflic vəziyyətinə salması ilə yanaşı qəzalara şərait yaradır. Bundan əlavə qazıntı aparılan ərazidə həmişəyaşıl ağacları üçün təhlükə yaranır. İllər əvvəl binada təhlükəli hadisənin baş verməsi bina sakinləri üçün risk yaradır. Abşeron Rayon İcra Hakimiyyəti sorğumuzu cavablandırmaqdan boyun qaçırdı.Ekologiya və Təbii Sərvətlər Nazirliyindən sorğumuza cavab olaraq bildirildi ki, bizim məlumatdan dərhal sonra əməkdaşlar əraziyə cəlb olunub. Mövzuya qayıdacağıq.
