Ukrayna Xarici İşlər Nazirliyi İsrailin İrana endirdiyi zərbələrə münasibət bildirib.
Nazirlik İranın həm Yaxın Şərqdə, həm də onun hüdudlarından kənarda dağıdıcı rol oynadığını, o cümlədən Rusiyanın Ukraynaya qarşı təcavüzünü dəstəklədiyini bildirib.
“Ukrayna bu gecə İsrailin İrandakı hədəflərə endirdiyi zərbələrlə bağlı Yaxın Şərqdə baş verənləri təşvişlə izləyir.
Bütün regionda sabitliyin daha da pozulması risklərini dərk edərək qeyd edirik ki, hərbi əməliyyatların davam etdirilməsi beynəlxalq təhlükəsizlik və qlobal maliyyə sabitliyi, xüsusən də neft bazarlarında mənfi nəticələr verə bilər.
Regionda sabitliyin daha da pozulmasının qarşısını almaq və mülki əhalinin tələfatının qarşısını almaq vacibdir.
İranın Yaxın Şərqdə və ondan kənarda bir çox problemlərin mənbəyidir. Biz əminik ki, Yaxın Şərqdə sülh və sabitliyin bərpası təkcə regionun deyil, həm də bütün beynəlxalq ictimaiyyətin maraqlarına cavab verəcək. Avropa və Yaxın Şərqdə təhlükəsizlik birbaşa əlaqəlidir. Bu kontekstdə biz beynəlxalq ictimaiyyəti müasir təhlükəsizlik təhdidlərinin aradan qaldırılması və bir qrup təcavüzkar rejimin – Şimali Koreya, İranın koordinasiyalı şəkildə bloklanması üçün birgə və qətiyyətli addımlar atmağa çağırırıq”, – bəyanatda deyilir.
