Azərbaycan Televiziyası və Radio Verilişləri QSC-də (AzTV) yoxlamalar başlayıb.
Artıq televiziyanın maliyyə və kadrlar şöbələrində bütün sənədlər araşdırılır.
Bununla bağlı AzTV-nin mətbuat xidmətinə və televiziyanın elektron poçt ünvanına sorğu ünvanladıq və yoxlamaların hansı qurum tərəfindən aparıldığını öyrənməyə çalışdıq.
Qurumun mətbuat xidmətindən sorğumuza cavab olaraq bildirilib ki, AzTV-də hər iki ildən bir ənənəvi audit keçirilir. Yoxlamaların həyata keçirilməsi ilə bağlı “Azərbaycan Televiziya və Radio Verilişləri” QSC Hesablama Palatasına müraciət edib və hazırda proses gedir.
P.S. AzTV-nin mətbuat xidmətindən axır ki, cavab aldıq. Böyük resurslara malik kanalda dəfələrlə genişmiqyaslı yoxlamalar keçirilib və çox ciddi nöqsanlar aşkar edilib. Amma AzTV rəhbərliyi haqqında heç bir ölçü götürülməyib.
