İran silahlı qüvvələri hücumlara cavab olaraq İsrailə “çox böyük” zərbə endirməyə hazırlaşır.
Bu barədə İranın “Fars” agentliyi mənbəyə istinadən məlumat yayıb.
“İran sionist rejimin vəhşiliklərinə cavab olaraq çox böyük zərbə vurmağa hazırlaşır”, – agentliyin mənbəsi bildirib.
Qeyd edək ki, daha öncə İslam İnqilabı Keşikçiləri Korpusunun (SEPAH) baş komandanının müşaviri Əhməd Vahidi bildirmişdi ki, İran İsrailə qarşı zərbələrdə hələ bütün raket potensialından istifadə etməyib.
